Во почетокот на 70-тите Лондон, а посебно неговите предградија не беа баш пријатно место за живеење. Сивило, невработеност, безидејност. Бесот на младите можеше единствено да се произнесе преку музика и тоа нова, сурова и минимална. И бескрајно безобразна.
Johnny Rotten, Steve Jones, Paul Cook и Glen Matlock беа баш такви момчиња. На секој начин гледаа своја промоција. McLaren–Westwood ги забележаа младите ”парталави” момчиња. Планот беше скован.
McLaren–Westwood ги формираат и менаџираат Sex Pistols. Како одличен менаџер McLaren потпишува со најпозната издавачка куќа во тоа време EMI. И следи шок , прв сингл “Anarchy in the UK“. EMI го раскинуваат договорот. McLaren е задоволен, целта е постигната. Публицитетот расте. Следеа турнеи но и откажани концерти поради инциденти. Интервју на телевизии со јавни навреди. Работи невидени дотогаш.
Sex pistols станаа “најлошата” група.
Потпишувањето на договорот со новата дискографска куќа A&M исто така беше претворен со медиумска атракција. Го потпишаа пред Бакингамската палата, и нормално следеше вториот сингл God Save the Queen.
Англија беше на колена. Но, тука не беше крајот . McLaren по кавгата со Glen Matlock, кој го напушта бендот го носи Sid Vicious. McLaren го поттикнува на дрогирање, јавни истапи, напади на луѓе, новинари. Поради сето ова A&M исто така им го раскинува договорот. “God Save The Queen” ја издава Virgin со која потпишуваат нов договор.
Следи издавањето на првиот и единствен албум Never Mind the Bollocks, Here’s the Sex Pistols во 1977 година од страна на Virgin.
Во 1978 година следи и американската турнеја по што Johnny Rotten, ја напушта групата, а наредната 1979 Sid Vicious умира од предозирање.
McLaren снима филм “The Great Rock ´n´ Roll Swindle”, биографија за Sex Pistols